Mini Forth İnterpretatoru

Forth, məlumatların idarə edilməsi üçün LIFO (Stack) məntiqinə əsaslanan proqramlaşdırma dilidir. Sizin vəzifəniz Forth dilinin sadələşdirilmiş bir versiyası üçün interpretator yazmaqdır.

Yazacağınız interpretator aşağıdakı əməliyyatları dəstəkləməlidir:

1. Riyazi əməliyyatlar: + (toplama), - (çıxma), * (vurma), / (tam ədədli bölmə).

2. Yığın (Stack) Manipulyasiyaları

   Operation	Effect	Example
   DUP	Yığının ən üstündəki elementi kopyalayır.	5 8 DUP → 5 8 8
   DROP	Yığının ən üstündəki elementi silir.	5 8 DROP → 5
   SWAP	Yığının ən üstündəki iki elementin yerini dəyişdirir.	5 8 SWAP → 8 5
   OVER	Yığının üstündən ikinci elementi kopyalayır və ən üstə əlavə edir.	5 8 OVER → 5 8 5

3. Yeni Sözlərin (Funksiyaların) Yaradılması İstifadəçi : (iki nöqtə) və ; (nöqtəli vergül) simvollarından istifadə edərək bir neçə əməliyyatı tək bir "söz" altında birləşdirə bilər.

   • Sintaksis: : yeni-soz emeliyyatlar ;

   • Nümunə: : kvadrat DUP * ; komandası kvadrat adlı yeni əməliyyat yaradır. Bundan sonra proqramda 5 kvadrat yazıldıqda, interpretator bunu 5 DUP * kimi başa düşəcək və yığına 25 əlavə edəcək.

   • Qeyd: Yeni yaradılan sözlər əvvəlcədən mövcud olan sözlərin (hətta + və ya DUP kimi standart komandaların da) üzərinə yazıla bilər, lakin rəqəmləri yenidən təyin etmək qadağandır.

Vacib Qaydalar və Xətalar (Error Handling): Proqramınız icra zamanı hər hansı xəta ilə qarşılaşarsa, dərhal dayanmalı və yalnızca müvafiq xəta mesajını çap etməlidir:

• Əgər yığına ən azı 1 element lazım olan əməliyyat çağırılıbsa və yığın boşdursa: empty stack

• Əgər yığına ən azı 2 element lazım olan əməliyyat (+, -, *, /, SWAP, OVER) çağırılıbsa, lakin yığında yalnız 1 element varsa: only one value on the stack

• Sıfıra bölmə cəhdi olarsa: divide by zero

• Mövcud olmayan (tanınmayan) bir söz icra edilməyə çalışılarsa: undefined operation

• İstifadəçi rəqəmləri (məsələn, 1, 2, -5) yeni söz kimi təyin etməyə çalışarsa (məsələn, : 1 2 ;): illegal operation

• Dil böyük/kiçik hərflərə həssas deyil (Case-insensitive).

Giriş verilənləri:

Birinci sətirdə komandaların sətir sayını bildirən N tam ədədi verilir. Növbəti N sətirdə Forth komandaları verilir.

Çıxış verilənləri:

Bütün komandalar uğurla icra edilərsə, yığının (stack) yekun vəziyyətini aşağıdan yuxarıya doğru aralarında bir boşluq olmaqla çap edin. Xəta olarsa, yalnız xəta mesajını çap edin.